武漢爆發不明肺炎，香港政府早前公佈應變計劃及啟動嚴重應變級別。有五金店指近日有大量市民搶購N95，人人自危。本記收到消息，指深受港人歡迎的3M N95，總代理已缺貨，另有消息指總代理日後有貨亦需預留給政府及教協。本記向多名人士及3M香港查詢相關情況。
記者：Jeffrey C. Ybanez
早前中國湖北省武漢市，出現肺炎病例群組個案。香港政府早前公佈「對公共衛生有重要性的新型傳染病準備及應變計劃」及啟動嚴重應變級別。早前有那打素護士稱政府隱瞞，淡化嚴重及擴散程度。醫管局則發表聲明指相關消息不實，否認政府有隱瞞個案。
有五金店向本記指近日有大量市民搶購N95，供不應求，店主指由貨源緊張：「好多人問N95，我哋賣晒要改賣R95。我哋都攞唔到貨，3M嘅總代理同分銷商都問過晒。」本記收到一條聲帶，聲稱是香港總代理高層，向下屬表示現時所有口罩訂單需暫緩執行，所有貨亦要留給政府及教協：「有關3M口罩嘅事，我想同大家澄清一下。3M嘅所有口罩，政府暫時唔俾再出街，要預留俾醫管局用先。所以之前同事落嘅單，恐怕暫時都出唔到。遲啲會有貨返，但都要預留俾教協先，有剩先再分俾其他同事。」
就上述消息，本記向某分銷商及3M香港了解。有分銷商指未能確認有關聲帶的真偽，但直言貨源被斷：「條聲把聲好熟，但真係確認唔到。不過代理同我地呢啲分銷商無晒貨架啦！而最大鑊係直情Cut貨！」記者追問何謂「Cut貨」，他表示：「即係落貨派唔足，如我訂50箱，佢派得5箱甚至話到時無貨，呢啲我地叫『Cut貨』。」
至於3M香港，本記早前多次致電而未有答覆，本記其後表示：「如果於下午三時截稿前，未得到正式回應，我只好直接寫3M香港對缺貨及日後返貨都要留給政府的消息不作回應。」惟截稿時仍未有回應。
記者：Jeffrey C. Ybanez