武漢肺炎失守，醫護人員挨更抵夜開工，尤其是dirty team，恐怕已經有過半數人過勞，情況絕非小可。就係7月14日夜晚，有人於網上發帖指自己係dirty team醫護，本準備入住沙田帝都酒店，之後在酒店經理查問下得知工作背景，就要求對方調房，但最後事主覺得經理態度不友善，最後就退房走人，後來轉去另一間酒店，點知直接拒絕，於是在網上放負，慨嘆醫護轉眼變成condom。
事發不出一日，帝都酒店已經在facebook上回應及道歉，並指出酒店一早有寫明：
為了酒店現有客人及員工的安全和健康，帝都酒店恕未能招待「於過去十四日內，曾與確診/疑似/懷疑新冠肺炎患者有密切接觸的人士」
除後蘋果日報及傑出關公參戰，再踩帝都一腳，傑出關公明顯是玩斷章取意耍家，帝都本身的醫護優惠用意良好，但考慮客人及員工安全，不招待有機會中招的人，亦屬情理之中，但傑出關公卻寫：
「沙田帝都酒店經理惡言趕走已訂房醫護住客，並講明不做醫護生意」此乃明顯知道讀者唔會細分當中內容，只求炒爆件事。
新鴻基呢個時候一眾PR是否已經背脊一涼，感到即將出事？機會黎啦飛雲！就係7月17日，即係今日凌晨兩點，代表一眾醫護手足的HA SECRET 發文，內容如下：
“我而家喺呢度宣佈, 全港醫護界制裁新鴻基地產行動正式開始。新鴻基地產旗下沙田帝都酒店點樣刻薄我哋前線醫護人員, 大家有留意公務員secrets 就會一清二楚。 呢個集團表示感謝香港醫護人員, 但將前線醫護人員拒諸門外, 更要用上極惡劣態度對待這名醫護人員, 令該名前線醫護人員需要漏夜搬酒店, 情況有幾狼狽相信大家都估計得到。 所以制裁新鴻基集團, 刻不容緩。 新地除咗地產同酒店業務, 仲有好多同民生息息相關嘅業務, 想制裁其實非常容易。以下就係幾個例子:
- 杯葛地下商場新鴻基地產旗下知名商場包括新城市廣場、旺角Moko、 銅鑼灣世貿中心、大埔超級城、上水廣場、元朗Yoho形點。如果大家齊心協力, 杯葛新鴻基地產旗下所有商場商戶, 令新鴻基地產旗下商場變成一個死城, 可以對新鴻基地產造成重大打擊。
- 一田百貨和超市亦都屬於新鴻基地產轄下零售業務。如果大家想買日本嘢, 不妨去到驚安之殿堂; 想買一般日用品就可以幫襯你嘉誠旗下嘅百佳。一田近年人氣急升, 如果大家全力杯葛, 相信可以重挫一田嘅零售業務。
- 數碼通嘅電話同寬頻合約到期就要即刻轉台。可以轉去李氏家族旗下嘅3、CSL或者1010, 香港寬頻亦都得。近年電訊商競爭激烈, 如果醫護界大規模轉移, 相信可以重重打擊新鴻基旗下數碼通嘅生意。
- 九巴算係一個比較難打擊嘅對象。不過如果有新巴同城巴揀, 盡量唔好搭九巴。大家記唔記得新世界集團點樣幫我哋? 佢哋提供成間酒店邊費畀醫護人員入住呀!
- 威信停車場亦都係新鴻基地產旗下公司停車場。有得揀一定唔揀威信。
- 杯葛所有相關酒店。帝京、帝都同埋帝苑酒店都提供咗醫護人員優惠畀醫管局員工, 相信大家去到食飯都係背脊骨落, 不如索性全面杯葛呢幾間唔歡迎醫護人員嘅酒店啦!
只要大家同心合力, 全港醫護界有過十萬人以上, 相信一定可以嚴重打擊新鴻基地產旗下各大業務 迫新鴻基地產跪低叩頭認錯。如果其他界別良心人士想參與, 香港醫護界同樣歡迎。 新鴻基點樣sell Hong Kong, 香港人就要佢哋承擔返所有責任。今次新鴻基咁樣對待香港前線醫護人員, 我哋實在沒有容忍的空間。”」
其實事件發酵到咁，表面上有兩點可以解釋：
一﹑酒店既經理，係需要表情同語氣訓練，呢樣唔係第一日既事。你去日本﹑台灣，基本上做得酒店的都是對你禮貌有加，香港酒店人員永遠都係一副人地欠左佢咁，唔開你拖就有假。
二﹑做政府dirty team，精神壓力同身體疲勞已經去到極點，本身已經充滿一身負能量，酒店之事就如個支拮爆氣球既牙籤，平時睇好似無咩野，其實好大鑊。
但係諗深一層，點解可以燒到咁大火，其實hidden仲有其他野：
先唔講SHK佢上年既事失晒民心，成件事，何解dirty team要出去住，會唔會根本係因為政府（HA）對dirty team支援不足？明知佢地係高危人市，唔係話唔尊重要困住佢地，本身dirty team既定位就係應急處理呢個地方最危險既工作，而當佢放工之後，原來可以周圍走，將呢個未知危險帶去其他地方的話，其實個危險並唔會因為佢放工而消失。呢一點HA冇可能唔明白，唯一可以解釋係，政府無更多錢比佢地成棟酒店包黎住。
但你諗深一層，如果政府一開始係呢方面遠大目光，其實個疫症仲會唔會再爆成咁？根本而家全香港所有地方都係漏洞，碰巧今次係醫護V.S.地產商，令件事花生指數上升之餘，政府又好似可以側側膊射走個波。一眾眼睛雪亮既觀眾，係咪開始feel到有野唔對路？其實係，有些事情已經開始緊。