新冠肺炎（又稱武肺）疫情繼續失控，一田百貨今晨（6日）於社交平台發文公布，兩名員工初步確診，沙田及觀塘分店今日暫停營業及進行消毒。本記昨晚於一田公布前，由知情人士得悉相關情況並於一田公布前已將消息公開。本篇將進一步報導由知情人士提供的資訊。
武肺繼續持續肆虐香江，一田百貨今晨（6日）於其Facebook專頁發帖文公布，沙田店家品部一名員工及觀塘店壽司專櫃一名員工初步確診，兩間分店今日暫停營業及進行消毒，未有重開日子需另行通知。於一田公布前，有知情人士聯絡本記並提供相關情況，由於未知一田百貨何時才會公布，知情人士及本記因而決定盡快公開消息。而一田亦於相關消息於網上流傳後，於專頁公布相關情況。
專櫃職員需自費檢測
一田於帖文中指「為安全起見，沙田及觀塘店6/12將暫停營業，由專業清潔公司進行全店深度清潔；同時，已安排沙田及觀塘店所有員工作快速核酸檢測，待確認檢測結果陰性才准予復工，重開日期另行通知。」然而，知情人士指出所謂的「安排」還有未知的部份。一田百貨有很多不同專櫃，專櫃職員其實並非一田職員，故此一田要求專櫃職員自費檢測，並建議可到寶血醫院進行，費用為700元。
就相關費用，究竟是專櫃職員自行承擔，還是由專櫃公司支付，知情人士坦言沒有定案：「專櫃職員，俗稱 promotor，由專櫃雇用。唔少專櫃其實只喺細公司，唔一定識 handle。而一田提供寶血只係 offer 多樣野俾班 promotor，冇話 『只接受寶血報告』，所以，應該 $240 都得（編按：社區檢測中心）。」
專櫃職員周圍走 只關兩分店又是否足夠?
由於當中提到專櫃職員，本記再問知情人士：「你提到Promotor，以我所知會周圍走，咁一田只關閉沙田及觀塘又是否足夠？而網上亦有傳聞有職員於更衣室未有配戴口罩下高談寬論。」他表示：「你已經講出咗重點。Promoter隸屬嘅中小企，享經濟好似唔好嘅情況底下，根本就唔知應該點做。一田只要求再次進場既有陰性証明，未有權力控制各 promotor 遊走。而你提到的傳聞，呢個關乎抗疫疲勞 ( fatigue ) 多啲，如果政府真係按照不同行業去做唔同嘅風險評估，好似 HACCP 咁嘅方向去處理，其實網上面呢啲嘢，假如係真，係可以減少。」
HACCP，即Hazard Analysis Critical Control Point，中文為危害分析重要管制點。本記於是追問：「你提到HACCP，即是你認為政府在重點式的風險處理上做得不足。咁就百貨業上政府應該點做？我上周去睇過一田日，其實仲有很多人在擠迫的環境中購物。」他回應政府於推出防疫措施時，未有「在地」考慮各行的實際運作情況：「Promotor 係會去唔同舖頭專櫃做嘢，而各大百貨公司，其實從根本上未有處理防疫嘅經驗，只會係開門/控制營業時間，同閂門嘅兩個做法。至於喺微觀店舖管理上，其實未有就住各專櫃自身公司規模，去提供任何適用嘅資訊。」的確，如知情人士所言，「只會係開門/控制營業時間，同閂門嘅兩個做法」本記於上周曾到訪一田沙田分店，正值其「一田購物優惠日」，在疫症爆發下，完全沒有人流管制，數百名市民於擠迫的店內購物。
政府防疫措施「離場」 未有考慮實際情況
知情人士再炮轟政府的防疫政策：「食衛局，食物及衛生局。食物行先，衛生排第二，好似一國兩制咁，要先學號一國才有兩制。HACCP 係食物安全好基本嘅一套系統，陳姑娘冇理由唔識，或者唔知有呢套嘢存在。會唔會係有其他人影響咗陳姑娘嘅專業判斷，不得而知。政府只係喺宏觀上做風險管理嘅措施，並未真係在地咁，按照市民衣食住行嘅方向著手。令到好多中小企，根本唔知點樣去跟住做。政府居然唔有效利用，現有喺商業世界行之有效嘅唔同管理模式，好好利用去處理防疫政策，其實係貽笑大方！」
他指出政府於制定防疫政策及措施時，應該深入了解香港各層面，否則只會出現漏洞：「政府理論上應該花時間，按照各政策局嘅認知，深入咁去同香港嘅經濟，市民正常生活，商業上嘅唔同範疇，去按照一個宏觀食衛局嘅框架底下，按照唔同行業衣食住行等，去設計及執行專屬嘅風險評估同埋抗疫政策。重點依然除咗分級制之外，正正係按照唔同行業，按照市民真實在地嘅生活情況去處理防疫問題，從而攞到一個check and balance嘅方案。今次事件正正反映政府所謂嘅防疫策略，響風險管理上面，有根本性巨大漏洞。」
但他亦指出因政府的「離地」，以上的根本是空談，又期望香港政府能於非政治性嘅政策議題上廣納民間智慧：「不過，某啲高官連Playgroup係乜都唔知嘅情況底下，香港人唔應該要求更多。一國兩制底下，國家憲法同基本法底下，我哋要相信政府，唔怕。希望香港特區政府，亦都可以喺相信響香港嘅中國人民嘅情況底下，響非政治性嘅政策議題項目上，唔好行使國安法嘅法治權力，讓我們可以無拘無束地進言。」
記者：Jeffrey C. Ybanez
2020.12.06