綜合外媒報導，墨西哥一隻 6 週大嘅金毛尋回犬「伯納多」（Bernardo）經已憑住「一身墨水」橫掃全球社群！呢隻小金毛最唔尋常嘅地方，係佢全身長滿咗酷似刺青嘅黑色花紋，左前腳嗰一大片黑斑，簡直同人類嘅「包手刺青」一模一樣，仲有網民笑言佢係現實版嘅寶可夢「護主犬」。
伯納多嘅 25 歲女主人透露，當初第一眼見到呢隻「與眾不同」嘅小狗就即刻同老公「一見鍾情」，決定要帶佢返屋企。雖然有唔少網民質疑伯納多係咪「不良配種」或者係混血兒，但主人強調佢係貨真價實嘅純種 金毛尋回犬 。獸醫證實，呢種神奇嘅外觀係由罕見嘅「體細胞突變」引起，雖然「獨一無二」，但完全唔會影響健康，亦都唔會遺傳畀下一代。