綜合外媒報導，如果你以為條碼（Barcode）只係一堆黑白線，咁你就太小看日本農夫嘅「玩嘢」程度喇！近日日本網友「はち」喺社交平台 X（前稱 Twitter）分享咗一張買餸相，結果竟然引嚟近 10 萬人瘋狂點讚。原來佢買嗰把青蔥，外包裝袋上面個條碼竟然唔係死板板嘅長方形，而係變成咗一排排好似仲未收割、直挺挺咁生喺田入面嘅「青蔥條碼」！
樓主見到咁精緻嘅設計直言被驚艷到，仲幽默咁話買到呢把葱簡直係「時代同神嘅指引」。其實近年日本唔少農產品業者為咗突圍而出，除咗追求產品質量之外，喺包裝設計上面都落足苦功。呢種將冷冰冰嘅商業標籤轉化成富有生命力嘅農村畫面，成功令消費者喺結帳嗰一刻感受到一份意想不到嘅療癒感。