綜合外媒報導，杜拜政府媒體辦公室11日證實，兩架來自伊朗嘅無人機今早突襲杜拜國際機場附近。雖然兩機最終被成功擊落，但爆炸碎片仍造成現場 4 人受傷，包括一名傷勢中等嘅印度人，以及三名輕傷嘅加納同孟加拉外勞。
雖然現場驚魂未定，但杜拜官方隨即「穩定軍心」，強調機場嘅空中交通目前依然「運作正常」。不過，今次攻擊已經引發國際高度關注，事關杜拜唔單止係轉機聖地，更加係全球經貿命脈，一旦機場出事，後果真係「堪設想」。外界分析指出，自美以兩國上月底聯手空襲伊朗後，伊朗經已將阿聯酋列為「報復頭號目標」。今次出動無人機強攻杜拜，明顯係要打擊當地嘅美軍資產，同時利用杜拜嘅國際地位製造心理同經濟恐慌。