綜合外媒報導，一名因走私毒品被判死刑、在印尼峇里島關押超過10年嘅英國籍老婦，終於迎來命運轉折。印尼政府消息人士透露，當局將於本月21日同英國簽署協議，遣返現年69歲嘅死囚琳賽．桑迪福德（Lindsay Sandiford）及另一名英籍囚犯返國。桑迪福德早於2012年由泰國飛抵峇里島時，被海關喺行李夾層內搜出價值約214萬美元嘅可卡因。翌年法院判佢死刑。桑迪福德承認犯案，但堅稱係被販毒集團脅迫，指對方恐嚇若唔合作，就要殺佢個仔，令佢被逼鋌而走險。
入獄後，呢位英國老婦曾一度以為自己命不久矣。佢2015年曾喺英國報章撰文，坦言「死亡隨時會嚟」。當時佢已開始寫告別信，仲話行刑嗰刻會哼出輕快歌曲《奇妙時刻》（Magic Moments）嚟面對恐懼。印尼以毒品刑罰嚴苛聞名，至今仍有數十名外籍死囚被關押。桑迪福德個案喺英國社會引起廣泛關注，多間英媒長期追蹤報道。消息指，是次遣返屬印尼總統普拉伯沃（Prabowo Subianto）上任後推動嘅人道政策一部分。近月以來，已有多名外籍死囚獲釋或遣返，