【貓界「整容級進化」 日本網民曬貓貓舊照細眼變水汪汪大眼】

貓星人真係「大得快又變得快」！日本一位演歌歌手最近喺社交平台分享自家貓貓由細到大嘅變化照，結果掀起全網熱議，細個時眼仔細到得粒黑豆咁，長大後竟然變成碧綠中帶黑瞳嘅「放電大眼」，網民都笑言：「呢隻貓簡直整容成功！」

呢位名叫「藤あや子」嘅日本歌手，喺 X（前 Twitter）上載愛貓「BB 時期」嘅相，當時個樣仲有啲呆萌，眼睛細細粒；而家大個女後，雙眼又圓又亮，望到主人都融化。藤あや子自己都話：「真係無諗過佢會變成咁樣！」