綜合外媒報導，日本首相高市早苗最近喺社群平台意外爆紅，原因竟然係佢對經典跑車嘅一份「長情」。原來，高市早苗係一名資深車迷，佢人生第一台愛車係 1991 年買入嘅 Toyota Supra A70，一揸就係 20 幾年，就算車老咗都捨不得報廢，最後仲要翻修入埋博物館！
自從上任後，高市曾「呻」過日常生活好唔方便，例如唔可以自己開車，亦都叫唔到外賣。自民黨廣報本部長鈴木貴子見狀，決定聯同老家北海道釧路町嘅模型店「Hobby Shop Kushiro Base」，發動一場「驚喜大作戰」！佢哋神還原咗呢台珍珠白 Supra，由車牌到座椅套嘅細節都執到足。22 日開箱影片曝光，高市起初見到成群人湧入辦公室仲「一頭霧水」，點知一見到模型即刻驚喜到大叫，好似變返當年嗰個愛車少女咁！鈴木貴子仲搞笑咁話要幫首相影張「超級無敵絕美人像照」。