綜合外媒報導，瑞士食品巨頭雀巢（Nestle）旗下品牌 KitKat 證實，上週發生咗一單極之荒謬嘅重大竊案：一輛載住 41 萬 3,793 條（約 12 公噸）最新口味朱古力嘅卡車，喺由意大利前往波蘭嘅途中失蹤，至今依然下落不明。
最搞笑係 KitKat 嘅發言人喺聲明入面都忍唔住「抽水」，引用佢哋經典廣告詞話：「我哋一直鼓勵大家『休息一下，整條 KitKat』（Have a Break, Have a KitKat），但呢班賊仔似乎太聽話，居然一次過『休息』咗 12 噸朱古力。」雖然語氣幽默，但背後隱憂好大，因為 4 月 5 日就係復活節，呢次大劫案隨時搞到全歐洲部分地區「斷貨」。KitKat 警告，呢批失竊嘅朱古力好可能會流入「非正式銷售管道」（即係黑市）。不過，魔高一尺道高一丈，官方強調每條朱古力上面都有「獨特批號」，只要一掃就知係咪贓物。佢哋呼籲消費者如果發現批號有可疑，要即刻聯絡佢哋。