新冠肺炎（又稱武肺）疫情繼續肆虐，繼跳舞群組後，百貨群組亦有爆發跡象。一田百貨公司昨天已有10名員工初步確診，包括來自家品部、以及個別展銷專櫃，包括Woll、孖人、象印、Tommee Tippee及Clinique等。一田百貨沙田及觀塘分店暫停營業，一田亦表示已安排沙田及觀塘店所有員工作快速核酸檢測，待確認檢測結果陰性才准予復工，重開日期另行通知。但由本記調查所得，一田要求專櫃職員自費檢測。有不願公開身份的專櫃職員，更指出有個別展銷專櫃的公司為了節省檢測費用，並未有向一田提供專櫃職員（又稱Promoter）的名單。而原本在一田沙田及觀塘分店工作的近百名專櫃職員，現時正於全港各區遊走，當中部份因專櫃公司的瞞報，而未有進行新冠肺炎病毒的檢測。
記者：Jeffrey C. Ybanez2020.12.08
新冠肺炎（又稱武肺）疫情繼續肆虐，繼跳舞群組累積確診突破6百大關後，百貨群組亦有爆發跡象。一田百貨沙田分店早前有1名家品部員工及觀塘店1名壽司專櫃員工初步確診後，一田百貨昨天指出，沙田店再新增9名員工初步確診，連同該分店早前一名初步確診者，即單是沙田店已有10名員工中招，包括來自家品部、超市部及個別專櫃，包括Woll、孖人、象印、Tommee Tippee及Clinique等。
一田亦表示已安排沙田及觀塘店所有員工作快速核酸檢測，待確認檢測結果陰性才准予復工，重開日期另行通知。但由本記調查所得，一田要求專櫃職員自費檢測，並建議可到寶血醫院進行，費用為700元。本記訪問了一名不願公開身份的Promoter，化名「抱不平」，抱指出有個別展銷專櫃的公司為了節省檢測費用，並未有向一田提供專櫃職員（又稱Promoter）的名單。由於要保護對方身份，本報導不會點名指出有那幾間專櫃公司有此情況。抱表示：「例如有人中招既XXXX，佢原本嘅Promoter唔多，所以係搵XX做外判，間外判公司唔止700蚊都唔肯比，連240蚊都唔想比（編按：社區檢測中心），所以無交齊名上去（一田。）」
近百名專櫃職員遊全港部份未檢測
繼早前報導，Promoter是遊走各區的，「抱不平」亦清楚指出遊走情況：「原本一田個Sale Day（編按：一田購物優惠日）應該做到8號，但唔等於原本在一田嘅Promoter一直留係一田。佢25號開始，但其實好多專櫃公司會提早一兩日就放人落去執野同Set up。有啲人Set up完就調走咗，而有啲就做到1號後就應該調走，因為家品部原本應該做到1號就完，但因為營業額唔理想，其實家品部都想做到8號。不過即使係話做到8號，都唔等於佢地一直係一田，有啲Promoter係中間嘅日子已經調咗出去做野，即係佢地去哂香港各區。係沙田同觀塘（一田）Sale Day做過嘅Promoter，我係講緊成百個！」
根據「抱不平」提供的資料，永安百貨、多區領展商場、私人屋苑商場等也有：「我頭先比你啲地址，你唔好寫得咁白，因唔同專櫃擺嘅場都會有唔同，我頭先比你嘅係我公司嘅，咁公司見到會知公司中有鬼。你只需要比讀者知道，之前Sale Day喺一田見到既專櫃，只要依家係出面都見到，好大機會個Promoter曾經係一田度做過，而且有會有啲係無去驗！因為我間公司就係其中一間無比齊名比一田嘅！」
本記再追問Promoter的工作環境及互相感染的風險，「抱不平」指出風險極高：「每次Sale Day，你係一田見到既職員，都會有一半都係Promoter。而Promoter同一田既職員係共享個Pantry食飯。好似依家沙田一田爆得咁勁，沙田個Pantry只有大約200尺，一田雖然有限人數，但每次都成廿個人食飯。就算唔係食緊飯嘅，都可以任何時候走入去斟水同飲水。咁細個空間，大家都無戴口罩，又會吹水，唔爆就假啦！」「抱不平」亦指出每間百貨公司的Pantry及政策亦有所不同，並指出AEON的Pantry最大及風險應該最低：「AEON個Pantry最大，而且限制人數之下，同事唔洗迫埋一擠食飯，理應無咁易爆。」
專櫃公司聲稱安排全體檢測 但有外判商表示無意見
本記就上述指控電話訪問多間專櫃公司及外判公司，他們均表示安排了全體Promoter作檢測，亦未有因節省檢測成本而向一田隱瞞名單，亦有部份公司於截稿前未有回應。當中有已有確診的Woll專櫃，負責的公司金國國際回應查詢時，表示除了全體檢測外，即使已有陰性報告的同事亦不會於現時安排工作：「我地嘅Promoter全部都有去驗，當中都有一名確診。我地現時唔會安排任何Promoter去工作住。即使之後驗到無事，考慮到現時疫症爆發同環境風險，都唔會安排開工住。」本記再追問：「但以我調查所得，Woll同好多專櫃都一樣有請外判公司，Woll自己嘅Promoter數目只有幾位，其他嘅都係搵外判公司，咁外判公司又有無做足？」對方表示不清楚，並要求記者直接聯絡其外判商「天暉」。
「天暉」回應本記查詢時，起初亦表明全體Promoter亦有檢測：「我地所有同事都有按照衛生署要求去做檢測。」但當記者嘗試確認：「即現在你地公司指所有Promoter都有去驗測，亦有向一田完整呈交Promoter的名單。」惟對方並未有確認：「對於呢個，我地無意見。」就「無意見」一事，本記再向金國國際查詢：「天暉就『所有Promoter都有去驗測及有完整呈交Promoter名單予一田』未能有確切答覆而表示『無意見』，而你地雇用天暉，對佢地有咁嘅回應有咩睇法？」金國國際表示將向天暉索取相關資料、名單及檢測報告，並暫時亦不會再有任何合作項目。