龍門今年多花生食，有人讚賞有人批評，雖然很多人都不願困死在不分化不割席的迷思之中，但龍門依然我行我素，串得起又不怕被前同事告，早前更僱用深藍大狀告膠「消失的聖誕卡」「始作俑者」，據指是他的前員工不滿張老闆為人不義而挺身而出，結果慘成被告。
不過今日我們不談前事，就在一日前，一個抄高登起家的論壇出post，表示自己想買五仁月餅給老人家，本身買了龍門月餅券想用來兌換，不料龍門回應指全線已經沒有五仁，要求事主「一係退錢，一係拎第二隻味」。其實在大部分店鋪缺貨情況下，都會要求買家改取另一款商品或進行退款手續，不知道習慣上抄襲論壇是否略為欠缺社會常識，抑或以為自己幫襯所謂黃店就大晒？樓主認為：「做生意講信用，最緊要就係老實。」然而這個樓主卻一直在一個抄襲人起家的不老實論壇上發言，高登就算揭發龍門黑歷史，也不可以接受龍門被這種愛搬龍門的人抹黑。
樓主在帖上又指出：
「我訂個時又唔見你個網有寫條款？
條款夠寫唔可以換錢，佢又唔跟？
而家九月尾，我都唔知邊到嘔個五仁月出黎比人
一早比晒錢訂野真係把撚，一句冇貨就比想打發人
張生，你係咪應該乞又好、自己整又好，
嘔返一盒五仁月比我，事後你既額外支出，
係搵返間廠叫佢賠，而唔係搵支持者硬食」
事實上要找五仁月餅周街都有，並非好似樓主講到只有龍門有賣，龍門在這次事件上十分無辜，以往不正當的經營有粉絲死撐，今次因為正常經營會出現的小問題，卻被粉絲攻擊，實在不抵。
但龍門的公關十分有料，抄高登起家的論壇帖文是在6:00正出，龍門的回應大概在9:00正，時間上剛剛好，是公關界的黃金72分鐘。在這72分鐘內，龍門已經寫好長文，並完成了相關安排，大家可以細讀：
【 係呀⋯龍門又瀨咗嘢⋯我哋180度鞠躬道歉】
話說小編準備放工之際
就諗住上下抄高登起家的論壇放鬆下
點知就見到有個POST叫
[龍門冰室] 買完月餅劵竟然冇貨拎
見到呢個標題
再睇到巴打嘅WhatsApp CAP圖
小編背脊立即流晒汗（透晒嗰隻）
我哋衰咗兩項天條⋯
一）一方面我哋無貨畀客
二）龍門客戶服務真係做得奇差⋯
小編隨即打電話畀負責月餅銷售嘅部門
問返佢
「點解！點解！點解！點解會咁樣答個客人」
負責客戶服務嘅小朋友
見到平時和藹可親嘅小編咁嬲
又見到抄高登起家的論壇上晒熱門
立即知道事情不妙
已經係咁問我點樣補救⋯
本身小編已經踏上屯門公路返緊屋企
就決定立即打爆巴士玻璃（其實係搵個站停底落車）
求其搵架的士 衝返出港島
去返呢位抄高登起家的論壇巴打嘅工作地點
親手將自己心愛嘅私伙五仁月餅送返畀呢位巴打⋯
小編無得食唔緊要
但真心認為做生意唔可以得失個客
亦都唔可以鬧個客
因為我哋一直都知道同路人唔係大晒
客人支持自己亦都唔係理所當然
呢個亦都係龍門嘅處事宗旨⋯
做衰咗 就要企定俾人話
今次真係龍門嘅錯（180度鞠躬道歉）
在此想公開同呢位巴打講聲對唔住
希望你唔好唔開心
小編已經盡咗力去補救
之後日子龍門承諾
會更加努力去做好CS
亦會衡量返自己舖頭嘅能力去到邊到
冇咁大個頭就唔好戴咁大頂帽
再一次為受影響嘅客人鞠躬致歉⋯
#今晚月餅團隊會開一次會討論返出貨嘅詳情
#希望大家稍安毋躁
#聽日我哋會俾個方案大家去拎返啲月餅
#再次致歉跪地Sorry
利害的是，在這72分鐘之內竟然可以完成「睇post﹑消化﹑決策﹑找出一盒原本已經不存在的五仁月餅﹑再找到巴打地址，完事後再打一篇長文解釋」多個步驟在一般公關公司眼中，如不是事先安排，那就一定要天生神級公關人才可做到的事。相信張先生手下能人異士十分多，了解正面宣傳不一定比負面宣傳有效，所以就等到這次「五仁月餅事件」才將自家公關技術展現出來。
大家千萬不要誤會這是一場show，香港沒有一間公司會先上一個抄襲高登起家的論壇出帖攻擊，然後自己做返公關補救，這是不合理的，因為一個唔覺得便會被人發現漏洞，例如時間上不吻合，例如這邊出完post不夠半小時那邊就回應了，龍門沒有犯下這個錯誤，3個小時勉強是合格指標，大家也不用太在意為什麼是6:00正開帖，9:00正回帖，時間上的事，也只是機率問題。
我唯一想問的，就只有龍門五仁月餅究竟有多好吃，為什麼那麼快就賣完。