【北京房山剷泥車市集橫衝直撞 攤販倒地不起民眾合力制服圍毆兇徒】

綜合中媒報導，今日（29 日）北京房山區嘅「大韓繼大集」驚傳發生一宗極之殘酷嘅報復社會事件。一名 50 多歲嘅男子，竟然駕駛一架大型剷泥車，喺人山人海嘅市集入面瘋狂來回輾壓多個攤位同攤販，現場慘叫聲不斷，畫面極之恐怖。

從流傳出嚟嘅多段片睇到，現場有多名攤販被撞倒之後生死不明，成個市集被搞到「翻天覆地」。憤怒嘅群眾眼見兇徒咁冷血，紛紛拎起手邊嘅雜物掟向駕駛座，最後夾手夾腳將嗰名男子由車上面拖落嚟「集體圍毆」。有傳事件造成至少 8 死 12 傷，傷亡極之慘重。