綜合外媒報導，各位女士平時買落嘅髮圈係咪成日無故失蹤？答案可能就喺你主子個肚入面！美國佛羅里達州一隻 6 歲黑貓「午夜」（Midnite），早前因為嚴重腸阻塞搞到差點要「打針」安樂死。好彩動物救援組織嘅員工於心不忍，決定接手幫佢做最後一次手術，點知開刀嗰陣連醫生都嚇到呆咗！
據外媒報導，佛州塞巴斯蒂安（Sebastian）的救援機構 HALO 透露，獸醫開刀時發現「午夜」腸胃入面塞滿咗不明異物，一件一件夾出嚟，最後竟然數到 26 條髮圈！呢堆平時毫不起眼嘅橡筋，就係令到黑貓食唔落嘢、幾乎送命嘅元兇。HALO 隨後喺 IG 出帖文，開玩笑話：「如果你搵唔到啲髮圈去咗邊，有時佢哋會出現喺你意想不到嘅地方。」不過講完笑之後，機構亦嚴肅提醒所有主人，屋企呢類細小物件對寵物嚟講絕對係「致命誘惑」，一旦誤吞好容易造成腸道永久損傷。