綜合外媒報導，美國五角大廈正策劃一場驚天動地嘅軍事行動目標指向伊朗嘅經濟命脈「哈爾克島」（Kharg Island）。哈爾克島處理咗伊朗絕大部分嘅原油出口，一旦開戰，全球能源供應隨時「玩完」。眼見局勢一觸即發，
教宗良十四世 24日離開官邸時，對住記者發出極之沉重嘅呼籲。佢對「加劇嘅仇恨同暴力」感到痛心，直言武器解決唔到問題，再次哀求各方立即停火，用「真誠對話」嚟取代砲火。教宗指出，戰爭經已令上百萬人流離失所，再打落去只會造成更多無辜死傷。佢請求各方真切合作，為所有人尋找和平嘅出路，而唔係將世界推向更深嘅黑暗。