【日本生蠔直接插落雪糕 吸引大批遊客專程開車朝聖】

綜合外媒報導，日本岩手縣驚現超狂消暑食物。當地一個公路休息站推出將肥美生蠔直接插喺雪糕上面嘅「生蠔雪糕」，視覺衝擊力震撼全網。有日本網民話自己雖然對生蠔過敏，但為咗親眼見證呢款瘋狂甜品，竟然拉埋老公足足開咗7個鐘頭車去到現場。雖然最後只可以睇住老公食，但都覺得非常滿足。貼文引來超過60萬人次瀏覽，大批網民睇到崩潰。