【特朗普自貼與奧巴馬後生對比照 奧巴馬壞男孩氣場完勝？】

綜合外媒報導，美國總統特朗普近日喺自家社交平台發功，上載咗一張自己同前總統奧巴馬後生嗰陣嘅對比相，隨即引發網民瘋狂洗版熱議。相入面侵侵著住紐約軍事學院制服，而18歲嘅奧巴馬就口咬住一支煙。雖然侵侵標註自己當時20歲，但隨即被美媒踢爆其實係佢17歲嘅畢業相。

貼文曝光後引來大批網民食花生。有人笑言奧巴馬後生嘅氣場直接壓倒侵侵，睇落仲好相處好多。亦有大批網民嘲諷侵侵雖然著住軍服，但當年其實五度申請延期兵役，更以腳部骨刺為由無參與越戰。