《華盛頓郵報》近日揭發，近月爆紅嘅美軍網紅潔西卡（Jessica Foster），雖然吸粉超過一百萬，仲成日曬出同特朗普、普京甚至美斯嘅「親密合照」，但真相係：佢根本唔存在，係 100% 由人工智慧（AI）生成嘅「電子假人」。
潔西卡嘅帳號充滿左「MAGA」精神同軟色情元素，成功吸引咗大量保守派「直男」追隨。研究深偽技術（Deepfake）嘅專家格萊葛利指出，呢類帳號嘅套路非常一致：利用 AI 生成一個形象完美、政治立場鮮明嘅假人，將佢「執」到名流政要身邊增加可信度，目的就係要將流量引導去 OnlyFans 或 Fanvue 等付費平台，叫鄉民課金睇更多露骨內容。
雖然潔西卡嘅照片「假氣沖天」，軍服上嘅軍銜同軍種仲成日出錯，但依然有成千上萬嘅網民喺留言區瘋狂示愛。矽谷創投合夥人摩爾就驚嘆：「居然有咁多男人關注明顯係 AI 嘅網紅，我真係驚呆咗。」美國陸軍發言人亦證實，軍方完全無呢個人嘅服役紀錄。目前 Meta 經已將佢個 IG 帳號封鎖，理由係違反社群政策。