【達美 A330 起飛即「自爆」 萬幸無傷 左引擎拖火長龍半空飛過】

綜合外媒報導，達美航空一架編號 DL104 嘅空中巴士 A330 客機，原本載住 272 名乘客同 14 名機組人員飛往美國亞特蘭大，點知一升空，左邊引擎就突然發生「毀滅式」爆炸，成架機拖住一條長長嘅火龍喺半空飛行，場面極之驚悚！

當時唔少地面民眾拍到火球從天而降，甚至有起火嘅碎片跌入附近樹林引發火災。機上面嘅 286 人當時真係「命懸一線」，好彩機組人員冷靜應對，最後成功將呢架「噴火客機」安全降返聖保羅國際機場，全機人奇蹟地無人受傷，真係不幸中之大幸。