綜合外媒報導，Sony 近日震撼宣布，受全球經濟壓力影響，再度調高 PS5 主機售價，最貴版本經已直逼 1,000 美元大關。但更恐怖嘅係，遊戲產業分析師一致認為：呢個只係開胃菜，未來 PS6 隨時貴到你唔信！
點解會加得咁離譜？紐約大學教授 Joost van Dreunen 指出，受特朗普（Donald Trump）嗰種混亂嘅關稅政策影響， 2026 年初以來記憶體（RAM）同 NAND 等零件成本足足飆升咗 80~90%！再加上 AI 熱潮瘋狂搶奪記憶體資源，同埋中東局勢惡化影響物流， Sony 今次加價簡直係「格硬嚟」。業界諮詢公司 Kantan Games 執行長 Serkan Toto 博士預測，呢個係一個極之危險嘅訊號：未來 PS6 其中一個型號賣到 999 美元絕對唔係夢。如果按「下一代主機貴 50% 」計，未來 PS6 Pro 售價可能突破1,000 美元大關。教授感嘆：「我哋正走向一個打機主機變成『奢侈品』嘅時代。」