【畫框藏毒被識破 尖沙咀海關拘印尼女】

香港海關昨日喺機場偵破一宗空運販毒案。海關透過風險評估，檢查一票由尼日利亞抵港、報稱載有衣服同食物嘅空運貨物，經X光檢查後發現有可疑。

關員隨後喺兩個畫框架入面，搜出共約800克懷疑可卡因，估計市值約60萬元。海關隨即採取監控遞送行動，喺尖沙咀拘捕一名33歲、報稱無業嘅印尼籍收貨女子。執法人員其後押解該女子搜查其位於太子嘅住宅單位，喺入面再檢獲約兩公斤懷疑冰毒（甲基安非他命），估計巿值約80萬元。案件目前仍在調查中。